Maxfiylik siyosati
Shaxsiy maʻlumotlaringiz qanday himoya qilinadi.
1. Kirish
Parlance Trading Ltd («Kompaniya» yoki «Alpari») HY00423015 raqami bilan roʻyxatdan oʻtgan va Mohéli orolidagi Mwali International Services Authority tomonidan T2023236-sonli litsenziya asosida xalqaro brokerlik va kliring kompaniyasi sifatida litsenziyalangan.
Kompaniya Mijozlarning shaxsiy maʻlumotlari xavfsizligi va maxfiy maʻlumotlarning saqlanishiga juda jiddiy yondashadi.
Uchinchi tomonlar tomonidan maʻlumotlarning yoʻqolishi, notoʻgʻri ishlatilishi, oʻzgartirilishi yoki ularga ruxsatsiz kirilishining oldini olish uchun Kompaniya barcha tegishli maʻmuriy va texnik talablarni bajaradi, jumladan muntazam tekshiruvlar, sinovlar va boshqa zarur nazorat tadbirlarini oʻtkazadi.
Kompaniya sizning maxfiylik huquqingizni hurmat qiladi. Ushbu Maxfiylik siyosati (bundan buyon «Siyosat») Kompaniya veb-sayti, shuningdek unga bogʻliq boshqa veb-saytlar va ilovalar orqali toʻplanadigan shaxsiy maʻlumotlarga nisbatan qoʻllaniladi. Ushbu Siyosat boshqa tashkilotlar yoki uchinchi tomonlar tomonidan boshqariladigan veb-saytlarga nisbatan qoʻllanilmaydi. Ushbu Siyosat Kompaniya mahsulotlari va xizmatlaridan foydalanganingizda, shuningdek telefon, elektron pochta yoki boshqa vositalar orqali olib borilgan yozishmalar davomida toʻplanadigan shaxsiy maʻlumotlarga ham nisbatan qoʻllaniladi. Ushbu Siyosat sizga Kompaniya tomonidan qanday maʻlumotlar toʻplanishi, ulardan nima maqsadda foydalanilishi, ular qanday himoyalanishi hamda shaxsiy maʻlumotlar maxfiyligiga oid huquqlaringiz haqida maʻlumot berishga qaratilgan.
2. Kompaniya qanday shaxsiy maʻlumotlarni va qaysi maqsadlarda toʻplaydi?
Kompaniya tomonidan toʻplanishi mumkin boʻlgan shaxsiy maʻlumotlar quyidagi toifalarga boʻlinadi:
2.1 Siz ixtiyoriy ravishda taqdim etadigan maʻlumotlar
Siz onlayn shakllarni toʻldirish, pochta, telefon, myAlpari, elektron pochta yoki boshqa mavjud usul orqali Kompaniyaga shaxsiy maʻlumotlaringiz, aloqa maʻlumotlaringiz, tanlangan tasvirlar (ularga tegishli maʻlumotlar bilan birga), moliyaviy maʻlumotlar va boshqa maʻlumotlarni taqdim etishingiz mumkin. Bunga quyidagi holatlarda taqdim etadigan shaxsiy maʻlumotlaringiz kiradi:
- Kompaniya mahsulotlari yoki xizmatlariga ariza berganingizda;
- Kompaniya veb-saytida myAlpari hisobini yaratganingizda;
- Kompaniya yoki unga aloqador uchinchi tomonlarning nashrlariga obuna boʻlganingizda;
- Kompaniyadan reklama materiallarini olishga rozilik berganingizda;
- tanlov, Alpari Cashback sodiqlik dasturi, aksiya yoki soʻrovnomada ishtirok etganingizda;
- fikr-mulohaza bildirganingizda.
Yuqoridagilarga qoʻshimcha ravishda, Kompaniya veb-saytining ayrim qismlarida sizdan shaxsiy maʻlumotlarni ixtiyoriy ravishda taqdim etish soʻralishi mumkin. Sizdan taqdim etish soʻraladigan shaxsiy maʻlumotlar va ularni soʻrash sabablari ushbu maʻlumotlarni taqdim etishingiz soʻralgan paytda sizga aniq tushuntiriladi.
2.2 Kompaniya avtomatik ravishda toʻplaydigan maʻlumotlar
Kompaniya veb-saytiga tashrif buyurganingizda, ayrim maʻlumotlar (masalan, IP manzilingiz, qurilma turi, brauzer turi va boshqalar) qurilmangizdan avtomatik ravishda yuboriladi. Baʻzi yurisdiksiyalarda, jumladan Yevropa Ittifoqiga aʻzo davlatlarda, ushbu maʻlumotlar maʻlumotlarni himoya qilishga oid standart qoidalarga muvofiq shaxsiy maʻlumot sifatida tasniflanishi mumkin.
Kompaniya qurilmangizning veb-sayt bilan qanday oʻzaro aloqada boʻlgani, jumladan koʻrilgan sahifalar va bosilgan havolalar haqida ham maʻlumot oladi.
Ushbu maʻlumotlarni toʻplash Kompaniyaga mavjud mahsulotlar va xizmatlar sifatini oshirish maqsadida foydalanuvchilar va Mijozlarning soʻrovlarini tahlil qilish imkonini beradi.
Ushbu maʻlumotlarning ayrimlari cookie-fayllar yordamida toʻplanishi mumkin. Kompaniya foydalanadigan cookie-fayllar haqida batafsil maʻlumot Kompaniyaning Cookie-fayllar siyosatida keltirilgan.
2.3 Shaxsiy maʻlumotlarni oshkor qilish
Kompaniya shaxsiy maʻlumotlaringizni quyidagi toifadagi qabul qiluvchilarga oshkor qilishi mumkin:
- Guruh kompaniyalari, Kompaniyaga maʻlumotlarni qayta ishlash xizmatlarini koʻrsatuvchi uchinchi tomon xizmat koʻrsatuvchi provayderlar va hamkorlar (masalan, Kompaniya veb-saytining ishlashini taʻminlash, funksiyalarini qoʻllab-quvvatlash yoki xavfsizligini oshirish uchun), shuningdek ushbu Siyosatda bayon etilgan maqsadlarda shaxsiy maʻlumotlarni boshqa tarzda qayta ishlaydigan shaxslar.
- Qonunchilikda ruxsat etilgan har qanday vakolatli huquqni muhofaza qiluvchi organ, tartibga soluvchi organ yoki davlat organi, sud yoxud boshqa uchinchi tomon.
- Bunday maʻlumotlarni oshkor qilishga rozilik bergan har qanday boshqa shaxs.
3. Kompaniya shaxsiy maʻlumotlaringizdan quyidagi maqsadlarda foydalanadi
3.1 Sizga Mijoz sifatida xizmat koʻrsatish
- Maʻlumot turi: shaxsni aniqlash maʻlumotlari (ism, yashash mamlakati, manzil va boshqa shunga oʻxshash maʻlumotlar); aloqa maʻlumotlari (elektron pochta manzili, telefon raqami, veb-sahifa va boshqalar); shaxsni tasdiqlovchi milliy hujjatlar nusxalari (pasport, shaxsni tasdiqlovchi karta, yashash uchun ruxsatnoma, AQShda yashashga oid maʻlumotlar va shunga oʻxshash hujjatlar); moliyaviy maʻlumotlar (bank hisobi rekvizitlari, bank kartasi raqamlari va karta egasining ismi, kapitalning kelib chiqishini tasdiqlovchi hujjatlar va boshqa shunga oʻxshash maʻlumotlar); siyosiy taʻsirga ega shaxs maqomi.
- Maqsad: sizni yangi Mijoz sifatida roʻyxatdan oʻtkazish; Savdo hisobini ochish va Kompaniya mahsulotlari hamda xizmatlaridan foydalanish imkonini taqdim etish; Savdoga oid boʻlmagan operatsiyalar reglamentiga muvofiq savdoga oid boʻlmagan operatsiyalarni amalga oshirishga koʻmaklashish; Kompaniya oldida mablagʻ boʻyicha qarzdorlik mavjud boʻlishi ehtimoli haqida maʻlumot toʻplash.
- Huquqiy asos: Mijoz shartnomasi va qonunchilik talablariga rioya qilish.
3.2 Risklarni boshqarish, pul yuvishning oldini olish hamda tartibga soluvchi organlar talablari va huquqiy daʻvolarga javob berish
- Maʻlumot turi: tranzaksiyalarga oid, moliyaviy va shaxsni aniqlash maʻlumotlari.
- Maqsad: Amaldagi qonunchilikka rioya qilish; pul yuvish holatlarini aniqlash, tekshirish va ular haqida xabar berish; shikoyatlarga javob berish; qonunchilikda talab etilgan hollarda tegishli davlat organlariga maʻlumot taqdim etish; muvofiqlik va AML maqsadlarida, jumladan Mijozni bilish (KYC) maʻlumotlarini toʻplash boʻyicha huquqiy majburiyatlarni bajarish; xalqaro sanksiyalar va cheklov choralariga oid maʻlumotlarni qayta ishlash; potensial Mijozning noqonuniy yoki siyosiy faoliyati haqida Kompaniyaning Mijoz bilan Shartnoma tuzish toʻgʻrisidagi qaroriga taʻsir qilishi mumkin boʻlgan maʻlumotlarni qayta ishlash.
- Huquqiy asos: qonunchilik talablariga rioya qilish.
3.3 Marketing
- Maʻlumot turi: aloqa maʻlumotlari, rozilik va yozishmalar.
- Maqsad: marketing faoliyatini amalga oshirish hamda Kompaniya mahsulotlari va xizmatlari haqida maʻlumot taqdim etish.
- Huquqiy asos: Mijoz shartnomasiga rioya qilish.
4. Mijozlar quyidagi huquqlarga ega
- Notoʻgʻri maʻlumotlarni tuzatish va/yoki toʻliq boʻlmagan shaxsiy maʻlumotlarni toʻldirish haqida soʻrov yuborish. Kompaniya soʻrovni koʻrib chiqadi va ushbu Siyosatda belgilangan shartlarga muvofiq mazkur shaxsiy maʻlumotlar yuborilgan har qanday uchinchi tomonni xabardor qiladi.
- Kompaniya Mijozlarga yuboradigan har qanday marketing materiallarini olishdan voz kechish.
- Kompaniyadan shaxsiy maʻlumotlaringizni qayta ishlashni toʻxtatishni talab qilish. Shaxsiy maʻlumotlarni qayta ishlashga berilgan rozilikni qaytarib olish shaxsiy maʻlumotlarni qayta ishlash zarur boʻlgan ayrim mahsulot va xizmatlardan foydalanish imkoniyatingizni cheklashi mumkin.
- Shaxsiy maʻlumotlarni qayta ishlashga berilgan rozilik istalgan vaqtda qaytarib olinishi mumkin. Rozilikning qaytarib olinishi rozilik asosida ilgari amalga oshirilgan qayta ishlashning qonuniyligiga taʻsir qilmaydi. Rozilikni qaytarib olish shaxsiy maʻlumotlarni qayta ishlash zarur boʻlgan Kompaniya xizmatlarining ayrim funksiyalaridan foydalanish imkoniyatiga taʻsir qilishi mumkin.
- Kompaniyadan barcha shaxsiy maʻlumotlaringizni oʻchirishni talab qilish. Qonunchilikda ularni oʻchirmaslik uchun asos mavjud boʻlmasa, Kompaniya ushbu talabni bajaradi.
5. Kompaniyaning xavfsizlik choralari
Kompaniya oʻzi toʻplaydigan va qayta ishlaydigan shaxsiy maʻlumotlarni himoya qilish uchun barcha tegishli texnik va maʻmuriy choralarni qoʻllaydi. Qoʻllaniladigan choralar shaxsiy maʻlumotlarni qayta ishlash riskiga mos xavfsizlik darajasini taʻminlash uchun moʻljallangan. Xususan, Kompaniya:
- Shaxsiy maʻlumotlarni xavfsiz serverlarda saqlaydi.
- Mumkin va zarur boʻlgan hollarda shifrlangan uzatish kanallaridan foydalanadi.
- Tizimlar va maʻlumotlarga ruxsatsiz kirishning oldini olish uchun boshqa himoya vositalaridan, jumladan firewalllar, autentifikatsiya tizimlari (masalan, parollar) va kirishni nazorat qilish mexanizmlaridan foydalanadi.
- Tizimlarga ruxsatsiz kirishdan himoyalanish uchun maʻlumotlarni toʻplash, saqlash va qayta ishlash amaliyotlarini, jumladan jismoniy xavfsizlik choralarini muntazam ravishda koʻrib chiqadi.
- Shaxsiy maʻlumotlarga kirish huquqini ushbu maʻlumotlarni qayta ishlash uchun bilishi zarur boʻlgan hamda qatʻiy shartnomaviy maxfiylik majburiyatlariga ega Kompaniya xodimlari, pudratchilari va agentlari bilan cheklaydi.
6. Shaxsiy maʻlumotlarni xalqaro uzatish
Muayyan shartlarga rioya etilgan taqdirda, Kompaniya shaxsiy maʻlumotlaringizni ushbu Siyosatda belgilangan maqsadlarga muvofiq keyinchalik qayta ishlash uchun boshqa mamlakatlardagi uchinchi tomonlarga uzatish huquqini oʻzida saqlab qoladi. Ayrim hollarda bu maʻlumotlarni yashash mamlakatingiz qonunchiligida nazarda tutilgan darajadagi himoyani taʻminlamaydigan mamlakatlarga uzatishni ham oʻz ichiga olishi mumkin. Bunday hollarda Kompaniya Amaldagi qonunchilik talablariga muvofiq maxfiylik huquqlaringiz tegishli texnik, maʻmuriy, shartnomaviy yoki boshqa qonuniy vositalar orqali yetarli darajada himoya qilinishini taʻminlaydi. Bunga Kompaniya aʻzo boʻlgan kompaniyalar guruhi doirasida shaxsiy maʻlumotlarni uzatish boʻyicha Shartnomalar tuzish kiradi. Ushbu Shartnomalar barcha hamkorlardan oʻzlari qayta ishlaydigan shaxsiy maʻlumotlarni Amaldagi maʻlumotlarni himoya qilish qonunchiligiga muvofiq himoya etishni talab qiladi.
7. Maʻlumotlarni saqlash muddati
Shaxsiy maʻlumotlaringiz ushbu Siyosatda belgilangan maqsadlarni amalga oshirish uchun zarur boʻlgan muddat davomida saqlanadi, qonunchilikda uzoqroq muddat saqlash talab etilgan hollar bundan mustasno.
8. Avtomatlashtirilgan qarorlar qabul qilish
Ayrim hollarda Kompaniyaning shaxsiy maʻlumotlaringizdan foydalanishi siz uchun huquqiy oqibatlar tugʻdiradigan yoki shu kabi sezilarli taʻsir koʻrsatadigan avtomatlashtirilgan qarorlar (jumladan profillash) qabul qilinishiga olib kelishi mumkin. Avtomatlashtirilgan qaror — siz haqingizdagi qarorning inson nazoratisiz, kompyuter tomonidan dasturiy algoritmlar asosida avtomatik ravishda qabul qilinishidir. Siz haqingizda avtomatlashtirilgan qaror qabul qilinganda, ushbu qarorga eʻtiroz bildirish va uni Kompaniya xodimi tomonidan qayta koʻrib chiqishni talab qilish huquqiga egasiz.
